愛回家│龔燁熊若水訂婚一周年粉絲送驚喜 巴士站港鐵燈箱落廣告曬甜蜜照

「人氣王」姜濤上月22歲生日，粉絲為他鋪天蓋地買下電車、巴士站廣告賀壽，不少粉絲都到相關的地點「打卡」留念，又追搭這班「姜濤」電車，成為全城熱話。明日5月29日，《愛回家之開心速遞》一班「龔水戀」的粉絲都特別為龔燁（張景淳飾）和熊若水（呂慧儀飾）送上驚喜，原來正是龔燁、熊若水訂婚一周年的日子！這份大禮包括巴士站和港鐵站燈箱廣告、旺角戶外大型電視廣告，廣告中大曬兩人的甜蜜合照，認真威水！

愛回家│龔燁遇狙擊手Andy明搶熊若水 呂慧儀偕前夫帶蟹籽遊樂園因為......【下一頁】

{{hket:inline-image name="800_6cde41aed1793c34016f574eda13262b.jpg"}}{{/hket:inline-image}}

此外，「龔水」粉絲特別剪輯兩人在劇中的甜蜜溫馨時刻，製作成MV讓大家重溫，非常有心思。呂慧儀、張景淳分別接受《晴報》電話訪問，對於粉絲的支持感到非常驚喜。呂慧儀說：「我好驚喜呀！『龔水黨』好有心思地為龔水一周年慶祝，好感動！好感恩，佢哋為我哋呢對《愛回家》CP做咗咁多應援廣告，多謝佢哋咁喜歡我們，都感恩《愛回家》嘅故事，造就了這對大家都很喜歡的CP！我會繼續努力，希望拍多啲好戲同得意嘅劇情，答謝佢哋嘅厚愛。」張景淳笑稱被實體廣告嚇親，搞笑回應：「多謝粉絲心意，覺得《愛回家》的確融入咗大家生活，所以對劇中人物好似自己屋企人咁著緊，發生乜嘢都好上心！多謝特別為我哋去花錢支持。之前見粉絲喺拍拖一周年、兩周年或者情人節等會喺網上整視頻慶祝，今次落實體廣告係嚇親嘅！再有下次要介紹我哋營業部徐小姐畀佢哋認識。」

劇情中曾經交代龔燁、熊若水訂婚後兩年結婚，距今還有一年時間。早前有粉絲在街頭直擊，見證到龔燁和熊若水在碼頭拍攝婚紗照，女方穿上低胸婚紗，而龔燁則是穿上黑色禮服，全程扶實若水，而且特別找來攝影師阿叔熊樹仁（單立文飾）操刀，莫非兩人的婚事會提前進行？呂慧儀說：「龔水仲有成年先會結婚嘅，但籌備婚禮前的瑣碎事有好多，暫時唔劇透咁多嘞，大家密切留意啦！」

（點擊圖片放大）

愛回家│熊若水誤以為龔燁遇空難身亡 自認未忘人大曬喊功感動網友【下一頁】

{{hket:inline-image name="KJ7.jpg"}}{{/hket:inline-image}}

{{hket:inline-image name="HCH.jpg"}}{{/hket:inline-image}}

對於如何報答一眾粉絲支持，會否考慮到「龔水」大婚之日邀請「龔水」粉絲做賓客，一齊見證美麗時刻？呂慧儀說：「如果有機會搵埋『龔水粉』嚟做婚禮賓客我當然開心，但製作嘅事交畀監製、幕後團隊籌備同安排，到時再睇吓有冇機會現場見証啦！」張景淳笑言，若擺酒結婚這一幕情景邀請粉絲出席，可能會不斷收人情，「我會好好準備真嘅酒水招呼大家！」

（點擊圖片放大）

粉絲為「龔水」訂婚一周年製作的溫馨MV，睇片：

{{hket:youtube id="Kn2hIhcykys"}}{{/hket:youtube}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 
 

責任編輯：楊安莉